O Curiosity explora a parte baixa do monte Sharp de Marte

lowermtsharp_curiosity_1080_annotatedCréditos da imaxe: NASA, JPL-Caltech, MSSS;
Explicación: se estiveras en Marte, que ollarías? Se foses o todoterreo Curiosity, entón xusto durante o mes pasado terías contemplado a imaxe publicada; unha panorámica abraiante da parte inferior do monte Sharp. As cores foron axustadas para imitar a luz familiar aos terrícolas. Aquí explorouse unha chaira rochosa antes dos outeiros que ascenden de xeito ondulante. Os lombeiros redondeados á media distancia, chamados Sulfate Unit (Unidade Sulfato), son actualmente o destino máis elevado que ten programado o Curiosity. Unha razón pola que estes outeiros son interesantes está en que os sulfatos son unha fonte de enerxía para algúns microorganismos. Aínda que o camiño inmediato cara alí vai polo surleste, na parte esquerda da imaxe.