Créditos da imaxe e copyright: Brian DavisExplicación: a Nebulosa Roseta non é a única nube cósmica de gas e po que evoca a imaxe das flores; pero é a máis famosa. No límite dunha gran nube molecular en Monoceros, a uns 5.000 anos luz de distancia, os pétalos desta rosa son realmente unha gardería estelar cunha adorable forma simétrica, esculpida polos ventos e radiación procedente do seu cúmulo central de estrelas novas e quentes. As estrelas do enerxético cúmulo, catalogado como NGC 2244, teñen só uns poucos millóns de anos de idade, mentres que a cavidade central da Nebulosa Roseta, catalogada como NGC 2237, ten uns 50 anos luz de diámetro. A nebulosa pode verse directamente cun pequeno telescopio cara a constelación do Unicornio (Monoceros).

Texto orixinal no APOD.