Madrugada en Kenia, Lúa, planetas e Táurida

KenyaTauridTafreshi_DSC8027cs950Créditos da imaxe e copyright: Babak Tafreshi (TWAN)
Explicación: o 8 de novembro, unha Lúa crecente xuntouse co actual desfile de planetas dos ceos matinais da Terra. Captada aquí desde o Parque Nacional Amboseli (Kenya), incluso o luar sobreexposto non pode desgastar o brillante Venus, aliñado preto do plano da eclíptica co tenue Marte e o brillante Xúpiter, máis arriba. Como se a Lúa e os planetas non fosen abondo, un meteoro das Táuridas con brillo semellante tamén racha ao través da escena. De feito, a chuvia de meteroros das Táuridas de novembro tivo unha proporción elevada de bólidos brillantes. Os meteoros, que flúen aparentemente desde un radiante en Taurus, están provocados polo paso anual do noso fermoso planeta ao través dos refugallos do cometa 2P/Encke. Os grans de po do cometa son capturados pola atmosfera da Terra a unha velocidade relativamente lenta duns 27 quilómetros por segundo.