Unha eclipse solar parcial sobre Texas

Eclipse parcial de Sol sobre TexasCréditos da imaxe e copyright: Jimmy Westlake (Colorado Mountain College) e Linda Westlake
Explicación: era un típico solpor de Texas agás que a maior parte do Sol perdérase. A situación da parte perdida do Sol non era un misterio; estaba por tras da Lúa. Aquí amósase unha das fotografías máis interesantes tiradas dunha eclipse solar parcial que ocorreu en 2012, captando un Sol temporalmente crecente nun ceo avermellado por tras do mato e o muíño. A imaxe tomouse a unhas 20 millas ao oeste de Sundown (Texas), nos EUA, xusto despois de que o efecto de anel de lume rompeuse cando a Lúa se moveu cara fóra do centro do Sol. Hoxe poderá ollarse desde a Terra unha nova eclipse parcial solar do Sol. Por desgraza para a xente que vive en Texas, a eclipse de hoxe só pode ollarse desde a África do sur e a Antártida.