Aurora sobre o géyser White Dome

geyseraurora_howell_960Créditos da imaxe e copyright: Robert Howell
Explicación: ás veces ceo e Terra entran en erupción. Hai uns poucos anos, entraron en erupción de xeito inesperado auroras cheas de cor, coa aurora verde aparecendo preto do horizonte e as bandas brillantes da aurora vermella abrollando en todo o alto. Unha brillante Lúa alumeaou o primeiro plano desta escena pintoresca, mentres as estrelas familiares podían ollarse ao lonxe, ben afastadas. Con planificación, o coidadoso astrofotógrafo disparou este mosaico de imaxe no eido do géyser White Dome no Parque Nacional de Yellowstone no occidente dos EUA. Como era de agardar, xusto despois da medianoite entrou en erupción White Dome; esparexendo unha corrente de auga e vapor ata moitos metros no aire. A auga do géyser é quecida ata vapor polo magma escaldado varios quilómetros por baixo, e rube pola crebaduras da rocha ata a superficie. Aproximadamente a metade de todos os géyseres coñecidos acontecen no Parque Nacional de Yellowstone. Aínda que a tormenta xeomagnética que creou estas auroras xa acougara, as erupcións do géyser White Dome aínda continuaron uns 30 minutos.

Descarga de balde: calendario APOD 2017: imaxes da NASA
VOLVE AstroGalicia16: a festa galega das estrelas. Do 7 ao 9 de outubro en Castrelo de Miño.