Un ataque láser ao centro galáctico

Ataque láser ao centro galácticoCréditos da imaxe: Yuri Beletsky (ESO)
 Explicación: por que está esta xente a disparar un potente láser ao centro da nosa Galaxia? Afortunadamente isto non significa que sexa o primeiro chanzo nunha guerra galáctica. Máis ben, os astrónomos do Telescopio Moi Longo (VLT) ubicado en Chile están intentando medir a distorsión da cambiante atmosfera terrestre. O fotografado constante a gran altitude de átomos excitados polo láser (que aparecen coma unha estrela artificial) permite aos astrónomos medir instantanemante a perturbación atmosférica. Esta información é enviada de novo ao espello do telescopio VLT que entón é deformado lixeiramente para minimizar esta perturbación. Neste caso, un VLT estaba a ollar ao noso centro galáctico, polo que se necesitaba a perturbación atmosférica nesa dirección. De estarmos nun conflito intergaláctico, de ollarse desde o centro da nosa Galaxia non se agardarían baixas. De feito, a luz deste potente láser aparecería combinado xunto coa luz do noso Sol só tan brillante coma unha estrela tenue e afastada.

Se a vida continúa: calendario de balde APOD 2014 en formato PDF (en inglés)