A Gran Nebulosa de Orión M42

OrionNebula_Hancock_960Créditos da imaxe e copyright: Terry Hancock (Down Under Observatory)
Explicación: a Gran Nebulosa de Orión, tamén coñecida coma M42, é unha das nebulosas do ceo máis famosa. As nubes de gas brillante da rexión de formación estelar e as estrelas novas e quentes están á dereita desta imaxe definida e chea de cor que inclúe ás nebulosas azuladas de reflexión NGC 1977 e amigas á esquerda. Localizada no bordo do outrora invisible complexo de nubes moleculares xigante, estas nebulosas atractivas representan só unha pequena fracción desta riqueza de material interestelar da veciñanza cósmica. No interior da ben estudiada gardería estelar, os astrónomos tamén identificaron o que semellan ser numerosos sistemas planetarios infantes. A espectacular paisaxe celeste abarca case dous graos ou uns 45 anos luz á distancia estimada para a Nebulosa de Orión de 1.500 anos luz.