Créditos da imaxe: Romano Corradi (IAC), Nicolas Grosso, Agnès Acker, Robert Greimel, Patrick Guillout Explicación: esta nebulosa, unha aparición misteriosa con forma de lura, é moi tenue pero tamén moi longa no ceo do planeta Terra. No mosaico da imaxe, composta con datos de banda estreita obtidos polo Telescopio Isaac Newton de 2,5 metros, abarca unhas dúas lúas cheas e media cara a constelación de Cepheus ou Cefeo. Descuberta hai pouco polo astrofotógrafo francés Nicolas Outters, a destacada forma bipolar e a emisión da nebulosa son consistentes coa súa natureza de nebulosa planetaria, a envoltura gasosa dunha destrela de tipo solar moribunda, pero se descoñecen a súa distancia e orixe reais. Unha investigación nova suxire que realmente Ou4 se atopa no interior da rexión de emisión SH2-129 a uns 2.300 anos luz de distancia. A lura cósmica, dun xeito coherente con este escenario, representaría un espectacular fluxo saínte de material dirixido por un sistema triple de estrelas quentes e masivas, catalogado coma HR8119, visto preto do centro da nebulosa. De ser así, esta nebulosa lura, certamente xigante, tería fisicamente case os 50 anos luz de diámetro.