A Cabeza de Cabalo: unha visión máis a fondo

A Cabeza de Cabalo; unha vista máis polo miúdoComposición e procesado: Robert Gendler
Datos da imaxe: ESOVISTAHLAHubble Heritage Team (STScI/AURA)
Explicación: os datos combinados de imaxes procedentes do enorme telescopio terrestre VISTA e do Telescopio Espacial Hubble empregáronse para crear esta ampla perspectiva da paisaxe interestelar que arrodea á famosa Nebulosa Cabezade Cabalo. A nube molecular poeirenta da zona, captada en lonxitudes de onda do infravermello achegado, esténdese por toda a escena que cobre un ángulo duns dous terzos o tamaño da Lúa Chea no ceo. De esquerda á dereita o recadro abarca xusto uns 10 anos luz á distancia estimada para a Cabeza de Cabalo de 1.600 anos luz. Tamén denominada coma Barnard 33, a aínda recoñecible Nebulosa Cabeza de Cabalo sitúase na parte superior dereita, o brillo no infravermello achegado dun pilar de po coroado con estrelas recén nadas. Por baixo e á esquerda, a brillante nebulosa de reflexión NGC 2023 é o propio contorno alumeado dunha estrela nova e quente. As nubes densas por baixo da base da Cabeza de Cabalo e nos arrabaldes de NGC 2023 amosan a emisión no vermello afastado desveladora de chorros enerxéticos, tamén asociados con estrelas recén nadas.

Texto orixinal no APOD.