A nebulosa Cabeza de Cabalo

A nebulosa Cabeza de CabaloCréditos da imaxe e copyright: John Chumack
Explicación: a nebulosa Cabeza de Cabalo é unha das nebulosas máis famosas do ceo. Pode ollarse como a fendedura escura da nebulosa de emisión vermella no centro da fotografía superior. O rasgo da cabeza de cabalo é escuro porque realmente é unha nube opaca de po que se sitúa por diante da brillante nebulosa de emisión vermella. Como as nubes da atmosfera da Terra, esta nube cósmica adoptou unha forma recoñecible de casualidade. Cando pasen moitos milleiros de anos, os movementos internos da nube alterarán a súa aparencia. A cor vermella da nebulosa de emisión está provocada polos electróns que se recombinan con protóns para formar átomos de hidróxeno. Tamén pode ollarse na parte inferior esquerda da fotografía unha nebulosa de reflexión verde que reflicte preferentemente a luz azul procedente das estrelas achegadas.