Unha trífida fermosa


See Explanation. Moving the cursor over the image will bring up an annotated version. Clicking on the image will bring up the highest resolution version available.

Créditos da imaxe e copyright: Chamaeleon Team – Franz Hofmann, Wolfgang Paech
Explicación: a fermosa nebulosa Trífid é un estudo cósmico de contrastes. Coñecida tamén coma M20, atópase a uns 5 000 anos luz de distancia cara a constelación Sagittarius, chea de nebulosas. A Trífida, unha rexión de formación estelar no plano da nosa galaxia, ilustra tres tipos diferentes de nebulosas astronómicas: as nebulosas de emisión vermella dominadas pola luz dos átomos de hidróxeno, as nebulosas de reflexión azuis producidas polo po que reflicte a luz estelar e as nebulosas escuras onde as nubes densas de po semellan perfiladas. Pero a rexión de emisión vermella separada aproximadamente en tres partes polos corredores de po escuro é a que lle dá á Trífida o seu popular nome. Os piares e os chorros esculpidos por estrelas recén nadas, por baixo e á esquerda do centro de emisión da nebulosa, aparece nos primeiros planos da rexión do famoso Telescopio Espacial Hubble. A nebulosa Trífida ten uns 40 anos luz de diámetro. Xusto abondo feble para ser vista co ollo nu, cobre case a área da Lúa no ceo do planeta Terra.