Derradeiro retrato dos aneis de Saturno pola Cassini

 
Créditos da imaxe: NASA, JPL-Caltech, Space Science Institute, Mindaugas Macijauskas
Explicación: como debería despedirse a Cassini de Saturno? Tres días antes de mergullarse dentro da parte soleada de Saturno, a nave espacial automática Cassini fixo un picado desde ben lonxe por detrás da parte nocturna coas cámaras botando lume. Trinta e seis desas imaxes fusionáronse, por un científico cidadán experto e alerta, nun derradeiro retrato con todos os aneis do que foi o planeta fogar da Cassini durante os últimos 13 anos. O Sol está xusto por riba da imaxe, facendo que Saturno proxecte unha sombra escura sobre os enormes aneis. Esta posición da sombra non se pode fotografar desde a Terra e non será visible de novo ata que outra nave lanzada por nós visite ao xigante con aneis. Os datos mailas imaxes da misión de mergullo final da Cassini ao interior da atmosfera de Saturno o 15 de setembro seguen a seren analizados.