Cúmulo de galaxias Abell 1689 desvía a luz

O cúmulo galáctico abell1689 desvía a luz
Créditos: NASAESA, Equipo Hubble Heritage (STScI/AURA) e J. Blakeslee (NRC HerzbergDAO) & H. Ford (JHU)
Explicación: é un dos obxectos máis masivos do Universo visible. Nesta imaxe da Cámara Avanzada de Sondaxes do Telescopio Espacial Huble, Abell 1689 pode verse deformando o espazo tal e como predicía a teoría da gravidade de Einstein; desviando a luz das galaxias individuais que se atopan por tras do cúmulo para producir varias imaxes curvadas. A potencia desta enorme lente gravitatoria depende da súa masa, pero a materia visible, na forma de galaxias amarelentas do cúmulo, só dá conta de máis ou menos o un por cento da masa necesaria para producir as imaxes azuladas en forma de arco que se ollan das galaxias do fondo. De feito, a maior parte da masa gravitatoria requirida para dobrar o espazo precisa para explicar esta lente de aumento de escala cósmica está en forma da aínda misteriosa materia escura. Como a fonte dominante de gravidade de Abell 1689 é a gravidade, a presenza invisible da materia escura pode ser cartografada polos arcos aumentados e as imaxes distorsiondadas das galaxias do fondo. De xeito abraiante, unha inspección achegada da imaxe superior desvelou a presencia duns 100.000 cúmulos globular de estrelas no cúmulo galáctico.

Texto orixinal no APOD.