Aurora de xaneiro sobre Noruega

Créditos da imaxe e copyrightBjørn Jørgensen
Explicación: que é iso do ceo? Unha aurora. Hai cinco días, aconteceu no Sol unha gran  expulsión de masa coronalguindando unha nube de electróns rápidos, protóns e ions cara a Terra. Aínda que a maior parte desta nube pasou por riba da Terra, parte dela impactou na nosa magnetosfera terrestre e resultou en auroras espectaculares que se ollaron nas elevadas latitudes setentrionais. Enriba fotografouse unha coroa auroral particularmente fotoxénica captada a pasada noite sobre Grotfjord, Noruega. Para algúns, este brillo verde escintilante de osíxeno atmosférico recombinado podería parecerse a unha gran águia, pero síntete libre de compartir o que che parece a ti. Esta rolda de actividade solar aínda non rematou; unha labarada solar nova e aínda máis potente ocorreu onte que podería porporcionar auroras máis abraiantes tan pronto coma esta noite.

Texto orixinal no APOD.