O Campo Profundo Extremo do Hubble

Créditos dai maxe: NASA, ESA, G. Illingworth, D. Magee, and P. Oesch (UCSC), R. Bouwens (Leiden Obs.), and the XDF Team

Explicación: que aspecto tiñan as primeiras galaxias? Para axudar a responder a esa pregunta o telescopio espacial Hubble ven de rematar a toma do eXtreme Deep Field (XDF, Campro Profundo Extremo), a máis profunda fotografía do universo nunca tirada en luz visible. Fotografado enriba, o XDF mostra un exemplo das máis antigas galaxias xamáis olladas, galaxias que se formaron xusto despois das idades escuras, hai 13 mil millóns de anos, cando o universo tiña soamente unha pequena porcentaxe da idade actual. A cámara ACS do Hubble Space Telescope e a canle infravermella do WFPC3 tiraron a imaxe. Resultado dun esforzo combinado repartido durante 10 anos, o XDF é máis sensible e en máis cores que o orixinal Hubble Deep Field (HDF, Campo Profundo do Hubble), e o Hubble Ultra Deep Field (HUDF, Campo Ultra Profundo do Hubble) rematados en 2004, e o HUDF infravermello rematado en 2009. Os astrónomos do mundo todo probablemente estudarán o XDF durante anos para millor comprender cómo se formaron as estrelas e as galaxias no inicio do universo.

Texto orixinal no APOD.