No interior da nebulosa da Chama


Mira a explicación. Se moves o curso sobre a imaxe aparecerá unha versión alternativa. Premendo na imaxe terás unha versión con maior resolución.

Créditos da imaxe: visual: DSS; infravermello: NASA/JPL-Caltech;
rarios X: NASA/CXC/PSU/ K.Getman, E.Feigelson, M.Kuhn & the MYStIX team
Explicación: a Nebulosa da Chama salienta nesta imaxe óptica das ateigadas e poeirentas rexións de formación estelar cara o cinto de Orión, a tan só 1.400 anos luz de distancia. Os datos de raios X do Observatorio Chandra e as imaxes en infravermello do Telescopio Espacial Spitzer poden levarte ao interior do gas brillante e ao través das escuras nubes de po. Ao pasear o teu cursos (ou premendo na imaxe) desvelaranse moitas estrelas formadas recentemente, o cúmulo incrustado NGC 2024, con idades que varían dos 200.000 aos 1,5 millóns de anos. . A imaxe composta de raios X/infravermellos abarca uns 15 anos luz ao través do centro da Chama. Os datos de raios X/infravermellos tamén indican que as estrelas máis novas se concentran preto do medio do cúmulo. Iso é oposto aos modelos máis simples de formación estelar para as guarderías estelares. Predín que a formación estelar empeza en primeiro lugar no centro máis denso e progresivamente se moven ao exterior cara os bordos deixando ás estrelas máis vellas, no las máis novas, no centro da Nebulosa da Chama.