O chorro dun feixe de partículas forma HH 24

Chorro de feixe de partículas está a formar HH 24Créditos da imaxe: Hubble Legacy Archive, NASA, ESA Procesado: Judy Schmidt
Explicación: se visitas HH 24, non vaias preto do chorro do feixe de partículas. Este aviso dunha posible viaxe futura podería facerse porque o potente chorro probablemente conteña electróns e protóns movéndose a centos de quilómetros por segundo. A fotografía superior foi tirada polo Telescopio Espacial Hubble en luz infravermella co fin de comprender mellor as turbulentas rexións de formación estelar coñecidas coma Young Stellar Objects (YSOs ou Obxectos Estelares Novos). A miúdo, cando se forma unha estrela, un disco de gas e po arrodea ao YSO provocando a aparición duns potentes chorros centrais. Neste caso, os poderosos chorros están a crear en cadanseu extremo, o obxecto Herbig-Haro object 24 (HH 24), mentres baten no gas interestelar que os rodean. Toda a rexión de formación estelar atópase a uns 1.500 anos luz de distancia no no completo de nubes moleculares Orión B. Debido á súa rareza, estímase que os chorros coma os que están a formar HH 24 duran só uns poucos milleiros de anos.