Un propulsor auxiliar cae á Terra

Créditos do vídeo e copyright: Matthew Holt
Explicación: que está a cruzar o ceo? Aínda que se parecía un pouco a un gran meteoro, realmente era o propulsor dun foguete chinés de volta á Terra tralo seu despegue dous días antes. Na noite do 27 de xullo, o compoñente do foguete queceu e escachou en pezas brillantes cando re-entraba na atmosfera da Terra. O camiño do propulsor que caía pasou por varios estados dos EUA, movéndose de oeste a leste, desde California ata Utah. Normalmente os refugallos espaciais poden distinguirse dos meteoros pola súa velocidade lenta e un estoupido expansivo. O vídeo publicado tomouse diante da biblioteca de Provo City en Utah, que casualmente estaba ocupada por unhas 100 persoas; moitas con teléfonos intelixentes xa fóra dos seus petos para xogar ao Pokémon GO.