O furacán Harvey fortalécese

Créditos do vídeo: NASA-NOAA GOES Project
Explicación: no Golfo de México desenvolveuse un furacán grande e perigoso. O vídeo secuencia publicado amosa ao furacán Harvey medrando ata unha forza de categoría 4 durante os últimos días, tal e como captou o satélite GOES-leste da NASA mailo NOAA. Comezando coma unha lixeira baixa na presión do aire, os furacáns medran ata seren amplos sistemas tormentosos en espiral, completados con ventos fortes e chuvia torrencial. Os furacáns son alimentados pola auga oceánica en evaporación, polo que normalmente adquiren forza sobre a auga morna e perden forza sobre terra. Aínda hai moito descoñecido sobre os furacáns e os ciclóns, incluíndo detalles de como se forman e o camiño exacto que seguen. O furacán Harvey, acompañado por unha perigosa marexada ciclónica, tomaron terra a finais do día de onte en Texas.