Despega Hitomi

IMG_0193PorterAstroH_1024Créditos da imaxe e copyright: F. Scott Porter (NASA, Goddard Space Flight Center)
Explicación: o 17 de febreiro ás 5:45 p.m. (hora local de Xapón) este foguete H-IIA despegou cara o ceo desde o Centro Espacial Tanegashima da JAXA localizado na costa meridional de Xapón, planeta Terra. A bordo estaba o satélite de astronomía de raios X ASTRO-H, xa en órbita. O observatorio espacial, deseñado para explorar o cosmos extremo desde os buratos negros aos cúmulos masivos de galaxias, está equipado con catro telescopios de raios X de última tecnoloxía e instrumentos sensibles as enerxías de fotóns desde os 300 aos 600.000 electrón voltios. En comparación, as enerxías dos fotóns de luz visible están entre os 2 e os 3 electrón voltios. Seguindo a tradición de renomear aos satélites tralo seu despegue con éxito, o ASTRO-H foi nomeado novamente coma “Hitomi”, inspirados nunha antiga lenda de dragóns. Hitomi significa “a pupila do ollo”.