Créditos da imaxe: Mars Exploration Rover Mission, Cornell, JPL, NASAExplicación: que nos pode dicir o terreo actual do interior e dos arredores do gran cráter Eneavor sobre o antigo Marte? Hai tres anos, NASA enviou un robot do tamaño dunha mesiña denominado Opportunity a unha misión rodante ao través de Meridiani Planum do planeta vermello para averigualo. A pasada semana, chegou ao fin. O amplo cráter Endeavour esténdese 22 quilómetros de beira a beira, sendo así o cráter máis grande nunca antes visitado por un Mars Exploration Rover (MER – Todoterreo de Exploración Marciana). Hai a hipótese de que o impacto que creou o cráter expuso rocha primitiva que posiblemente se formou baixo condicións húmidas e, se foi así, esta rocha pode dar pistas únicas do pasado augacento de Marte. Fotografado arriba, o bordo oeste de Endeavour asoma xusto por diante da sonda Opportunity. O Opportunity ben pode pasar o resto da súa vida operativa explorando o Endeavour, realizando imaxes, xirando as súas rodas e furando rochas interesantes.

Texto orixinal no APOD.