Conxunción de catro

Créditos da imaxe e copyright: Maxime Oudoux
Explicación: o 31 de xaneiro, un cuarto crecenta da Lúa, un brillante Venus e un Marte máis tenue xuntáronse no crepúsculo, pendurados por riba do horizonte occidental xusto tralo solpor do planeta Terra. Nesta epaisaxe celeste verpertina combinada, o adorable triángulo celeste óllase entre as nubes e as brétemas. Aínda brillando pola luz do Sol, desde a órbita baixa da Terra, a Estación Espacial Internacional uniuse brevemente ao trío ese serán nos ceos preto de Le Lude, Francia. A liña de visión do fotógrafo coa estación espacial estaba realmente moi preto de Marte mentres comezou a primeira exposición. Como resultado, a raia brillante da estación semella choutar desde o planeta vermello, movéndose cara ceos máis escuros cara o cumio do cadro.