Conxunción no solsticio sobre Budapest


Créditos da imaxe e copyright: György Soponyai
Explicación: antes do mencer do solsticio do 21 de xuño, un Venus brillante e un cuarto minguante de Lúa posaban xuntos sobre Budapest (Hungría) para esta paisaxe celeste pre-mencer. No primeiro plano a imaxe atravesa o río Danubio desde Buda a Pest cara a cúpula e picos do edifico do parlamento húngaro. As nubes baixas están en silueta contra un ceo crepuscular. Pero abondo lonxe por riba do horizonte leste para captar a luz solar brilla outra aparición estacional da mañá do solsticio: as nubes noctilucentes. As nubes que brillan pola noite, olladas preto do mencer e o solpor nos meses de verán a latitudes altas, están formadas por vapor de auga na fría atmosfera superior que condensa o po meteórico ou a cinza volcánica preto do bordo do espazo.