Na compaña do verde: aurora sobre Noruega


Créditos da imaxe e copyright: Max Rive
Explicación: ergue os brazos se ves unha aurora. Con esas instrucións, pasaron ben dúas noites, sobre todo con nubes. Aínda que na terceira noite, ao voltar aos mesmos cumios, o ceo non só se aclarou, tamén se alumeou cunha espectacular exhibición auroral. Os brazos saíron ao alto; xa compensaran a paciencia e a experiencia. E a creativa imaxe publicada foi captada coma unha composición de tres instantáneas separadas. O escenario é un cumio do fiordo Austnesfjorden preto da cidade de Svolvear nas illas Lofoten na Noruega setentrional. A data foi a comezos de 2014. Aínda que o noso Sol está preto dun mínimo solar e por tanto amosando unha actividade superficial relativamente pequena, os buratos da coroa superior forneceron algunhas fermosas mostras aurorais durante os últimos meses.

Xa tes o teu Ceos Galegos – calendario astronómico 2018?