Galaxias espirais en colisión

Galaxias espirais en colisiónCréditos da imaxe: Debra Meloy Elmegreen (Vassar College) et al.,
e o Hubble Heritage Team (AURA/STScI/NASA)

Explicación: deica dentro de miles de millóns de anos, só ficará unha destas dúas galaxias. Ata entón, as galaxias espirais NGC 2207 e IC 2163 esnaquizaranse lentamente entre si, creando fluxos de materia, capas de gas axitado, corredores de po escuro, estoupidos de formación estelar e correntes de estrelas refugadas. Os astrónomos predín que NGC 2207, a galaxia máis grande da esquerda, incorporará ao fin a IC 2163, a galaxia máis pequena da dereita. No encontro máis achegado que culminou hai uns 40 millóns de anos, a galaxia máis pequena abaneouse ao redor da outra no sentido das agullas dun reloxo, e está agora lixeiramente por tras da galaxia máis grande. O espazo entre as estrelas é tan enorme que cando as galaxias colisionan, as súas estrelas normalmente non chocan.