O incrible cangrexo en expansión


Créditos da imaxe e copyright: Detlef Hartmann
Explicación: a nebulosa do Cangrexo está catalogada coma M1, a primeira da famosa listaxe de cousas de Charles Messier que non son cometas. De feito, sábese agora que o Cangrexo é un remanente de supernova, unha nube de refugallos en expansión desde a explosión dunha estrela masiva. O nacemento violento do Cangrexo foi testemuñado por astrónomos do ano 1054. Hoxe cun tamaño máis ou menos cun tamaño de 10 anos luz, a nebulosa aínda se está a expandir a unha velocidade duns 1.000 quilómetros por segundo. Durante a década pasada a súa expansión foi documentada nesta excelente vídeo secuencia. En cada ano desde 2008 a 2017 produciuse unha imaxe co mesmo telescopio e cámara desde un observatorio remoto de Austria. As 10 imaxes, combinadas para formar as secuencias dunha película, representan un total de 32 horas de tempo de integración. Os definidos fotogramas procesados aínda desvelan a potente e dinámica emisión no interior do incrible Cangrexo en expansión. A nebulosa do Cangrexo atópase a uns 6.500 anos luz de distancia na constelación Touro.