Un filamento solar entra en erupción

Un filamento solar entra en erupción
Créditos da imaxe: NASA‘s GSFC, SDO AIA Team
Explicación: que está a acontecerlle ao noso Sol? Nada moi estraño; só arrebolou un filamento. Cara mediados de 2012, un filamento solar moi estable entrou en erupción de súpeto no espazo producindo unha potente Exección de Masa Coronal (Coronal Mass Ejection ou CME). O filamento estivo a pendurar durante días polo campo magnético cambiante do Sol e o momento da erupción non se agardaba. Ollada de preto polo Observatorio de Dinámica Solar (Solar Dynamics Observatory), que está a orbitar ao Sol, o estoupido resultante disparou electróns e ións ao Sistema Solar, algúns dos cales chegaron á Terra tres días máis tarde e toparon coa magnetosfera terrestre, provocando auroras visibles. Por riba do filamento en erupción pódense ollar bucles de plasma que arrodean unha rexión activa na imaxe en ultravioleta. Durante a semana pasada o número de manchas solares visibles sobre o Sol caeron a cero de xeito abraiante, provocando especulación de se o Sol acaba de superar xa o seu moi estraño máximo solar, o intre no que o Sol é máis activo no seu ciclo de 11 anos.