Unha prominencia sobre o Sol

 solarsaurus_friedman1024Créditos da imaxe e copyright: Alan Friedman (Averted Imagination)
Explicación: esta paisaxe arrepiante de plasma incandescente pendurado en campos magnéticos retortos e serpenteantes cara o horizonte leste do Sol o 16 de setembro. A escena, captada mediante un telescopio de afeccionado e filtro de banda estreita en luz de hidróxeno ionizado, desvela unha prominencia xigante guindada por riba do limbo solar. O muro de plasma magnetizado, cuns 600.000 quilómetros de diámetro, empequenecería os mundos do Sistema Solar. O xigante gasoso Xúpiter só pode fachendear de 143.000 quilómetros ou así, mentres que o diámetro do planeta Terra é menor ca 13.000 quilómetros. Coñecida coma unha prominencia arbustiva pola súa aparencia, a enorme estrutura aínda está afastada de ser estable, e por iso grandes prominencias solares entran en erupción con frecuencia.