JWST: pastasmas e espellos

Créditos da imaxe: Chris Gunn, NASA
Explicación: en realidade, as pantasmas non están a axexar ao Telescopio Espacial James Webb. Pero as lucers están apagadas mentres fica co seu espello segmentado de cor dourada e as estruturas de soporte envolvéndoo na sala limpa da Instalación de Integración e Desenvolvemento de Sistemas de Sondas Espaciais do Centro de Voo Espacial Goddard. Seguindo as probas acústicas e de vibración, os brillantes flash e as luces ultravioleta espállanse sobre o telescopio estático na procura de contaminación, doada de descubrir nunha habitación escura. Na penumbra, a longa exposición da cámara crea as aparicións pantasmais, esborraxando as luces en movementos dos exeñeiros. O Telescopio Espacial James Webb, un sucesor científico do Hubble, está optimizado para a exploración en infravermellos do Universo temperán. O seu despegue planeado é para o ano 2018 desde a Guiana Francesa nun foguete Ariane 5 da Axencia Espacial Europea.