NGC 7822: estrelas e piares de po en infravermellos


Créditos da imaxe: WISE, IRSA, NASA; Procesado e copyright : Francesco Antonucci
Explicación: as propias estrelas novas está a clarexar a súa gardería en NGC 7822. Dentro da nebulosa, os bordos brillantes e as esculturas complexas de po dominan esta detallada paisaxe celeste tirada en luz infravermella polo satélite Wide Field Infrared Survey Explorer (WISE) da NASA. NGC 7822 atópase nos límites dunha nube molecular xigante cara a constelación setentrional Cepheus, unha rexión de formación estelar brillante que se atopa a 3 000 anos luz de distancia. A emisión atómica de luz polo gas da nebulosa está potenciada pola radiación enerxética procedente das estrelas quentes, cuns poderosos ventos e radiación que tamén esculpen e erosionan as formas máis densas dos piares. As estrelas están aínda a formarse no interior dos piares por colapso gravitatorio, pero mentres os piares son erosionados, a formación de calquera outra estrela será interrumpida ao final da súa reserva de material estelar. Este campo abarca uns 40 anos luz á distancia estimada de NGC 7822.

Charlas de balde APOD: 5 de xaneiro en  NYC e 9 de xaneiro en DC
Xa tes o teu Ceos Galegos – calendario astronómico 2018?