No val de Orión


Créditos da visualización: NASA, ESA, F. Summers, G. Bacon,
Z. Levay, J. DePasquale, L. Frattare, M. Robberto, M. Gennaro (STScI) e R. Hurt (Caltech/IPAC)
Explicación: esta imaxe emocionante e pouco familiar da nebulosa de Orión é unha visualización baseada en datos astronómicos e técnicas de creación de animacións. and movie rendering techniques. Cara a cara coa famosa gardería estelar que normalmente se olla a 1 500 anos luz de distancia, o fotograma modelado dixitalmente pasa dunha representación en luz visual baseada en datos do Hubble á esquerda aos datos infravermellos do Telescopio Espacial Spitzer á dereita. A perspectiva do centro mira ao longo dun val cun ano luz de anchura, na parede da xigante nube molecular da rexión. O val de Orión remata nunha cavidade escavada polos potentes ventos e a radiación das estrelas centrais masivas do cúmulo estelar Trapecio. O único fotograma é parte dun vídeo tridimensional e en multitude de lonxitudes de onda que deixa que o observador experimente un voo inmersivo de tres minutos de duración ao través da Gran Nebulosa de Orión.