Estrelas novas e nebulosas poeirentas en Taurus


Créditos da imaxe e copyright: Lloyd L. Smith, Deep Sky West
Explicación: este complexo de nebulosas poeirentas fica ao longo do bordo da nube molecular de Taurus, a só 450 anos luz de distancia. As estrelas están a formarse na escena cósmica. O campo de visión telescópico, con 2 graos de ancho e composto a partires de case 40 horas de datos de imaxes, inclúe algunhas estrelas mozas da clase T-Tauri incrustadas nos refugallos das súas nubes natais á dereita. Con millóns de anos de idade e atravesando aínda a adolescencia estelar, as estrelas son variables en brillo e están nas últimas fases do seu colapso gravitacional. As temperaturas do seu núcleo subirán para soster a fusión nuclear mentres progresan pola secuencia principal, estables e de masa baixa, unha etapa da evolución estelar á que chegou o noso Sol de mediana idade cuns 4,5 millóns de anos de idade. Outra estrela variable moza, V1023 Tauri, pode descubrirse á esquerda. Dentro da súa nube de po amarela atópase preto da espectacular nebulosa de reflexión azul Cederblad 30, coñecida tamén coma LBN 782. Xusto por riba da nebulosa brillante de reflexión azul está a poirenta e escura nebulosa Barnard 7.