O cometa, o moucho maila galaxia

Comet_C2014_S2_PANSTARRS1024Créditos da imaxe e copyright: Bob Franke
Explicación: o cometa C/2014 S2 (PanSTARRS) posa nun momento Messier nesta instantánea telescópica do 20 de abril. De feito, comparte o amplo campo de vista de 1,5 graos con dúas entradas ben coñecidas do famoso catálogo do astrónomo cazador de cometas do seculo XVIII. De camiño ao exterior e cruzando os ceos setentrionais xusto por riba do Setestrelo, o cada vez máis tenue visitante do Sistema Solar interior estaba a uns 18 minutos luz do noso fermoso planeta. A poeirenta galaxia espiral de canto Messier 108 (arriba á dereita) está a máis de 45 millóns de anos luz de distancia. Unha nebulosa planetaria cunha anciana pero moi quente estrela central, a solemne Messier 97 está a só uns 12 milleiros de anos luz de distancia, aínda ben no interior da nosa propia galaxia Vía Láctea. Os astrónomos agardan que a órbita deste cometa PanSTARRS to o faga voltar ao interior do Sistema Solar ao redor do ano 4226.