M106 ao través do espectro

M106 por todo o espectroCréditos da imaxe: raios X – NASA / CXC / Caltech / P.Ogle et al., Visual – NASA/STScI, IV – NASA/JPL-Caltech, Radio – NSF/NRAO/VLA
Explicación: os brazos espirais da activa e brillante galaxia M106 espállanse por este destacado retrato multionda, creado de datos procedentes desde o radio aos raios X, ao través do espectro electromagnético. Tamén coñecido coma NGC 4258, M106 pode atoparse cara a constelación setentrional Canes Venatici. A distancia, ben medida, ata M106 é de 23,5 millóns de anos luz, facendo que esta escena cósmica teña uns 60.000 anos luz de diámetro. Os escuros corredores de po, os xuvenís cúmulos estelares e as rexións de formación estelar, todos eles típicos en grandes galaxias espirais, trazan os brazos espirais que converxen nun núcleo brillante. Pero esta composición salienta tdous brazos anómalos en radio (púrpura) e raios X (azul) que parecen emerxer na rexión central de M106, evidencia dos potentes chorros de material que están a estoupar no interior do disco da galaxia. Probablemente os chorros son alimentados pola materia que cae ao interior dun masivo burato negro central.

Olla: convención sobre Ceres e Vesta (Webcast).