O primeiro lanzamento dun foguete desde Cabo Canaveral

bumper2_nasa_960Créditos da imaxe: GRIN, NASA
Explicación: un novo capítulo do voo espacial comezou esta semana de xullo de 1950 co lanzamento do primeiro foguete desde Cabo Canaveral (Florida): o Bumper V-2. Amosado enriba, o Bumper V-2 era un ambicioso programa de foguetes de dúas etapas que coroaba unha base dun mísil V-2 cun foguete WAC Corporal. A etapa superior era quen de acadar altitudes, por entón récord, de case 400 quilómetros, incluso máis alto cós Transbordadores Espaciais que voaron no seu momento. O Bumper V-2, lanzado baixo a dirección da empresa General Electric, usouse sobre todo para probar os sistemas dos foguetes e para investigar a atmosfera superior. Os foguetes Bumper V-2 portaban zonas de carga pequenas que lles permitían medir características que incluían a temperatura do aire e os impactos de raios cósmicos. Sete anos máis tarde, a Unión Soviética lanzou os Sputnik I e Sputnik II, os primeiros satélites á órbita terrestre. Como resposta, en 1958, os EUA crearon a NASA.