O hexágono de inverno sobre a reserva Manla

WinterHexagon_Dai_1000_annotatedCréditos da imaxe e copyright: Jeff Dai (TWAN)
Explicación: se atopas Orión poderías ser quen de atopar o hexágono de inverno. Este inclúe algunhas das estrelas máis brillantes visibles, formando xuntas un deseño grande e doado de atopar no ceo invernal no hemisferio setentrional da Terra. As estrelas involucradas poden identificarse normalmente incluso nos ceos nocturnos brillantes dunha gran cidade, aínda que aquí aparecían recentemente nos ceos escuros por riba da reserva Manla do Tíbet (China). As seis estrelas que compoñen o hexágono de inverno son Aldebarán, Capella, Cástor (e Pólux), Procyon, Rigel e Sirius. Aquí, a franxa da nosa galaxia Vía Láctea transcorre polo centro do hexágono de inverno, mentres o cúmulo estelar aberto das Pléiades pode ollarse xusto por riba. O asterismo do hexágono de inverno abrangue varias constelacións incluíndo gran parte do icónico chanzo de Orión.