O principio holográfico


Créditos da imaxe: Caltech
Explicación: vale esta imaxe máis ca un milleiro de palabras? De acordo co principio holográfico, o máximo de información que podes tirar desta imaxe e duns 3 x 1065 bits para un monitor informático de tamaño normal. O principio holográfico, aínda sen demostrar, establece que hai unha cantidade máxima de información mantida polas rexións adxacentes a calquera superficie. Polo tanto, en contra da intuición, a información contida no interior dunha habitación non depende do seu volume senón da área das paredes que a limitan. O principio deriva da idea de que a lonxitude de Planck, a escala de lonxitude na que a mecánica cuántica comeza a dominar á gravidade clásica, e o lateral dunha área que poida manter só un bit de información. O límite foi postulado por primeira vez polo físico Gerard ‘t Hooft en 1993. Pode emerxer a partires de xeralización da especulación aparentemente afastada de que a información mantida por un burato negro está determinada non polo volume que encerra senón pola área superficial do seu horizonte de sucesos. O termo “holográfico” xorde dunha analoxía co holograma onde as imaxes tridimensionais son creadas proxectando luz ao través dunha pantalla plana. Coidado, outra xente que mira a imaxe publicada pode manter que non se ven 3 x 1065 bits; poderían afirmar estar a ver unha teteira.