Case tres colas para o cometa Encke


Creditos da imaxe e copyright: Fritz Helmut Hemmerich
Explicación: como pode ter un cometa tres colas? Normalmente un cometa ten dúas colas: unha cola iónica de partículas cargadas emitidas polo cometa e empurradas cara ao exterior polo vento solar, e unha cola de po de pequenos refugallos que orbita por tras do cometa e é empurrada tamén polo vento solar, con algúns graos de inclinación. A miúdo un cometa semellará ter só unha cola porque a outra non se ve con facilidade desde a Terra. Na estraña fotografía publicada, o cometa 2P/Encke parece ter tres colas porque a cola iónica dividiuse preto do intre no que se tirou a imaxe. O complexo vento solar é ás veces turbulento e crea unha estrutura estraña na cola iónica. En raras ocasións incluso se gravou o acontecemento da desconexión da cola iónica. Unha fotografía do cometa Encke tomada dous días máis tarde ten unha perspectiva menos perplexa.

APOD en vivo: charliña sobre as fotos do ano 2016 en Vigo e Pontevedra. En Ourense e na Coruña xa foron.