Formación galáctica nun universo magnético

Créditos do vídeo: IllustrisTNG Project; Visualización: Mark Vogelsberger (MIT) et al.
Música: Gymnopedie 3 (Compositor: Erik Satie, Músico: Wahneta Meixsell)
Explicación: que temos aquí? Sabemos que vivimos nun planeta que orbita unha estrela que orbita unha galaxia, pero como se formou todo isto? Para comprendelo mellor os astrofísicos actualizaron a famosa Illustris Simulación á IllustrisTNG; agora o modelo informático máis sofisticado de como evolucionaron as galaxias do noso universo. En concreto, este vídeo segue os campos magnéticos desde o universo temperán (corremento ao vermello 5) deica hoxe (corremento ao vermello 0). Aquí, o azul representa do campos magnéticos relativamente febles, mentres que o branco indica os fortes. Estes campos B están fortemente relacionados coas galaxias e os cúmulos galácticos. Cando a simulación comeza, unha cámara virtual arrodea ao universo virtual IllustrisTNG amosando unha rexión nova (cuns 30 millóns de anos luz de diámetro) que é bastante filamentaria. A gravidade fai que as galaxias se formen e fusionen mentres o universo se expande e evoluciona. Ao remate, o universo simulado IllustrisTNG vén a encaixar ben estatisticamente co noso universo presente e real, aínda que agroman algunhas diferencias interesantes; por exemplo, unha discrepancia relacionada coa potendia das ondas de radio que son emitidas por partículas cargadas que se moven rapidamente.