Un arco da vella circular sobre Australia

Arco da vella completo sobre AustraliaCréditos da imaxe e copyright: Colin Leonhardt (Birdseye View Photography)
Explicación: algunha vez ollaches un arco da vella completo? Normalmente, desde o chan só se pode ver a parte superior dun arco da vella porque as direccións que apuntan ao chan teñen menos cantidade de pingas de auga. Pero, desde o aire, un círculo completo de 360 graos dun arco da vella pode ollarse máis a miúdo. Nesta fotografía, capturouse un círculo completo sobre Cottesloe Beach preto de Perth (Australia) o ano pasado por un helicóptero voando entre un Sol poñéndose e unha chuvieira. O arco da vella de 84 graos de diámetro, un fenómeno dependente do observador e primariamente provocado polas reflexións internas da luz solar nas pingas de auga, seguiu ao helicóptero, intacto, durante uns 5 quilómetros. Coma extra, un arco da vella secundario podía ollarse fóra do primeiro, máis tenue e coas cores invertidas.

Astrofotógrafos do APOD: empregouse algunha vez o teu traballo para un descubrimento científico?