Despegue de foguete tal e como se ve desde a Estación Espacial


Créditos do vídeo: ISAA, NASA, tripulación da expedición 57 (ISS);
Procesado: Riccardo Rossi (ISAA, AstronautiCAST); Música: Inspiring Adventure Cinematic Background de Maryna
Explicación: algunha vez viches o despegue dun foguete, desde o espazo? Unha ollada atenda ao vídeo secuencia publicado desvelará un foguete erguéndose ata a órbita da Terra tal e como se ve desde a Estación Espacial Internacional (ISS). O foguete Soyuz-FG de  Rusia despegou hai dez días desde o Cosmódromo Baikonur en Casaquistán, portando un módulo Progress MS-10 (tamén 71P) que transporta provisións necesarias para a ISS. O máis sobranceiro do vídeo de 90 segundos (que condensa uns 15 minutos) inclúe as luces de cidades e as nubes visibles na Terra na parte inferior esquerda, as franxas azul e dourada da luminescencia atmosférica que cruza diagonalmente o centro e as estrelas afastadas na parte superior dereita que están por tras da Terra. Pode verse unha etapa inferior caendo de volta á Terra mentres a nave automática de provisións acende os seus propulsores e comeza a achegarse á ISS, un laboratorio espacial que está a celebrar o seu vixésimo aniversario este mes. Na actualidade, viven tres astronautas a bordo da ISS en órbita terrestre e, entre outras ocupacións máis prácticas, dirixen numerosos experimentos científicos que estenden o coñecemento humano e facilitan a industria comercial futura en órbita baixa terrestre.

Última hora: hoxe, a Insight aterra en Marte