Unha batalla branca no mar Negro

Créditos da imaxe: NASA, Aqua, MODIS
Explicación: morreron billóns nos mares da Terra. As cunchas calcarias dos mortos xa construíron os cantís brancos de Dover. A batalla entre plantas unicelulares de cor clara e forma de balón (fitoplancton chamado coccolithophoridae) e incluso os virus aínda máis pequenos, con forma de diamante, denominados coccolithoviruses, propagáronse durante deceas de millóns de anos. Para axudalos a dar esta batalla, os coccolithophoridae crearon a súa armadura calcaria ao absorber dióxido de carbono da atmosfera. Esta batalla é tan épica que as coccolithophoridae eliminan realmente unha fracción significativa do dióxido de carbono atmosférico da Terra, reforzando a respirabilidade do aire para os animais, incluíndo os humanos. O mar Negro, fotografado nesta imaxe de 2012 do satélite Aqua da NASA, volveuse azul claro pola proliferación de coccolithophoridae.