A galaxia NGC 5866, de canto

ngc5866_hubble_960Créditos da imaxe: NASA, ESA, Hubble Legacy Archive; procesado e copyright: Hunter Wilson
Explicación: por que esta galaxia é tan delgada? Moitas galaxias de disco realmente son tan delgadas coma NGC 5866, fotografada enriba, pero non as ollamos de canto desde o noso punto de vista. Unha galaxia que se sitúa de canto é a nosa propia galaxia Vía Láctea. Clasificada coma unha galaxia lenticular, NGC 5866 ten numerosos e complexos corredores de po que aparecen escuros e vermellos, mentres que as moitas estrelas brillantes do disco danlle un ton subxacente máis azul. O disco azul de estrelas novas poden ollarse estendéndose por detrás do po do plano galáctico moi delgado, mentres que o bulbo do centro do disco semella tinguido máis laranxa polas estrelas máis vellas e avermelladas que probablemente están aí. Aínda que parecida en masa á nosa galaxia Vía Láctea, á luz lévalle uns 60.000 anos atravesar NGC 5866, máis ou menos un 30 por cento menos do que lle leva á luz atravesar a nosa propia Galaxia. En xeral, moitas galaxias de disco son moi delgadas porque o gas que as formou colisionou consigo mesmo mentres rotaba ao redor do centro gravitacional. A galaxia NGC 5866 atópase a uns 50 millóns de anos luz de distancia cara a constelación do Dragón (Draco).