O Atlas V érguese

launchMUOS4_deepCréditos da imaxe e copyright: Mike Deep
Explicación: á primeira hora da mañá os madrugadores da Costa Espacial de Florida o 2 de setembro, o planeta Terra, foron agasallados cun espectáculo de despegue. Antes do mencer un foguete Atlas V ergueuse nos ceos escuros transportando un satélite de comunicacións da mariña estadounidense desde a Estación da Forza Aérea Cabo Canaveral, á órbita terrestre. Esta longa exposición de minutos segue o arco do foguete inclinándose ao leste sobre o Atlántico. Mentres o foguete se alza sobre a sombra da Terra, o seu ardente ronsel convértese nun penacho noctilucente, arrepiante e esgotado brillando na luz solar. Por suposto, o ronsel estelar, corto e brillante, que aparece xusto por riba do banco de nubes é Venus erguéndose, aparecendo agora nos ceos do planeta Terra como a brillante estrela matutina.