A vista do Curiosity

PIA19803MSL_600h Créditos da imaxe: NASA, JPL-Caltech, MSSS
Explicación: segundo o calendario do planeta Terra, o todoterreo marciano Curiosity chegou ao seu terceiro aniversario sobre a superficie do planeta vermello o 6 de agosto. Para celebralo, contempla esta espectacular imaxe panorámica do variado terreo típico da xornada do todoterreo cara as pendentes estratificadas de Aeolis Mons, tamén coñecida coma monte Sharp. A escena, gravada co instrumento Mast Camera do Curiosity, mira ao sur ao traves de pedregullo, ondas e pelouros cara outeiros redondeados. No fondo, as capas máis altas á esquerda están cara o surleste, co sudoeste á dereita da panorámica. As imaxes individuais que compoñen a vista tiráronse durante os soles (días marcianos) da misión 952 e 953 desde a aterraxe do todoterreo o 6 de agosto de 2012.