Créditos da imaxe: NASA, ESA, Hubble, HPOWExplicación: os cúmulos globulares dominaron unha vez na Vía Láctea. Mirando atrás nos días antigos, atrás cando a nosa galaxia se formou por primeira vez, quizais milleiros de cúmulos vagaban pola onosa Galaxia. Hoxe, quedan menos de 200. Moitos cúmulos globulares destruíronse durante eóns polos fatídicos encontros repetidos cos outros ou co centro galáctico. As reliquias que sobreviviron son máis vellas que calquera fósil da Terra, máis vellas que calquera outra estrutura da nosa galaxia e limita a idade do propio Universo. Hai poucos, se é que hai, cúmulos globulares xóvenes na nosa MGalaxia Vía Láctea porque as condicións non son favorables para formalos. Na fotografía superior realizada polo Telescopio Espacial Hubble hai unhas 100.000 das estrelas de M72. M72, que abarca uns 50 anos luz e se atopa a uns 50.000 anos luz de distancia, pode ollarse cun pequeno telescopio cara a constelación do Carrexador de Auga (Aquarius).

AstroGalicia 2012: Encontro galego de Astronomía. Xa podes apuntarte!

Texto orixinal no APOD.