Créditos da imaxe: NASA, JPL-Caltech, MSSSExplicación: se puideras estar en Marte, que verías? A imaxe superior é unha aproximación coloreada dixitalmente do que poderías ollar se a paisaxe marciana de arriba estivera sobre a Terra. As fotografías desde Marte en cor falsa coma esta denomínanse balanceadas en branco e normalmente son empregadas polos científicos planetarios para identificar rochas e formacións xeolóxicas semellantes ás da Terra. A imaxe é unha versión en alta resolución dun muro afastado do Cráter Gale captado polo todoterreo Curiosity que aterrou en Marte a semana pasada. Hai unha imaxe en cores verdadeiros relacionada que amosa como aparece realmente a escena en Marte. O todoterreo robótico Curiosity continua a auto-verificarse e recibir a nova programación desde a Terra antes de comezar a rodar ao través de MArte e explorar unha paisaxe que ten a aparencia de ser o leito enxoito dun río estrañamente estratificado.

AstroGalicia 2012: Encontro galego de Astronomía. Xa podes apuntarte!

Texto orixinal no APOD.