Unha roda en Marte

Créditos: NASAJPL-Caltech/Mars Science Laboratory
Explicación: unha roda acoplada ao todoterreo Curiosity da NASA está firme sobre a superficie marciana nesta imaxe temperá da misión Mars Science Laboratory (Laboratorio de Ciencia Marciana), captada tras unha exitosa aterraxe o 5 de agosto de 2012 ás 10:32 pm (PDT). Visible no extremo inferior dereito dunha imaxe gran angular de ollo de peixe da Hazard Avoidance Camera (Cámara Anti-Riscos), a roda traseira esquerda do todoterreo ten 50 centímetros (unhas 20 polgadas) de diámetro. Parte dun resorte da bisagra da cuberta de po da cámara pode verse na esquina dereita, mentres na parte superior esquerda está parte da fonte de enerxía RTG do todoterreo. Os outeiros afastados da dereita, que apuntan ao Sol ao través da superficie rochosa de Marte, son o bordo do Cráter Gale, a uns 20 quilómetros desde o actual lugar de descanso do todoterreo de tamaño dun utilitario. Agárdanse a finais da semana imaxes en cor máis grandes cando o mastro do todoterreo, que porta cámaras de alta resolución, se despregue.

Texto orixinal no APOD.

AstroGalicia 2012: Encontro galego de Astronomía. Xa podes apuntarte!