Xente feliz que baila no planeta Terra

Créditos do vídeo: Matt Harding e Melissa Nixon; Música: Trip the Light
Explicación: que están a facer estes humanos? Bailar. Moitos humanos da Terra exhiben periodos de felicidade e un método de amosar felicidade é o baile. A felicidade e o baile trascenden as fronteiras políticas e ocorren en practicamente toda sociedade humana. Máis arriba, Matt Harding viaxou por moitas nacións da Terra, coa teima de bailar e gravar o resultado. O vídeo superior, o último dunha serie de vídeos semellantes, quizais sexa un exemplo espectacular de que os humanos de todo o planeta Terra senten un vencello común como partre dunha especie singular. A miúdo a felicidade é contaxiosa; pouca xente é quen de ollar o vídeo superior sen sorrir.

Texto orixinal no APOD.