Manchas solares e siluetas

Créditos da imaxe e copyright: VegaStar Carpentier
Explicación: que fica entre ti e o Sol? Aparentemente, tal e como se ollaba desde Paría a semana pasada, óllanse unha cousa detrás doutra . Primeiro, na parte dianteira, atópase a Basílica do Sagrado Corazón, construída a finais do século XIX e localizada no outeiro máis elevado de ParísFrancia. Despois, ben por tras das torres da basílica na imaxe superior, hai nubes finas que avanzan difundindo a luz solar. Finalmente, ao lonxe na distancia e lixeiramente enterradas na superficie do Sol, hai manchas solares, das que a máis destacada é a rexión de manchas solares AR 1512 que está visible preto do centro do disco. Desde o intre no que esta imaxe do solpor se tomou, a rexión de manchas solares do extremo esquerdo, AR 1515, liberou unha potente labarada solar. Aínda que a maior parte das partículas procedentes desta labarada espérase que non golpeen a Terra, os entusiastas do ceo están a vixilar os eventos do Sol que poderían provocar auroras brillantes nunha cousa invisible que se mantén entre ti e o Sol: a atmósfera da Terra.

Texto orixinal no APOD.