Toda a auga sobre o planeta Terra

Créditos da ilustración e copyrightJack Cook, Woods Hole Oceanographic Institution, Howard Perlman, USGS
Explicación: que cantidade do planeta Terra está feita de auga? Moi pouca, realmente. Aínda que os océanos de auga cobren un 70 por cento da superficie da Terra, estes océanos son pouco fondos comparados co radio da Terra. A ilustración superior amosa que pasaría se toda a auga que está enriba ou preto da superficie da Terra fose amoreada dentro dunha bóla. O radio desta bóla sería só duns 700 quilómetros, menos que a metade do radio da Lúa terrestre, pero lixeiramente máis grande que a lúa de Saturno Rhea que, coma moitas lúas do noso Sistema Solar exterior, é na súa maior parte xeo de auga. Canta desta auga comezou a existir na Terra e se algunha cantidade significativa está atrapada moi por baixo da superficie da Terra continúa a ser materia de investigación.
Texto orixinal no APOD.