Helena, lúa de Saturno, en cor

Créditos da imaxe: NASA/JPL/SSIcomposición en cor: Daniel Machácek
Explicación: aínda que as súas cores poden ser sutís, a lúa de Saturno Helena é un enigma en calquera luz. A lúa fotografouse nun detalle sen precedentes o pasado xuño mentres a nave espacial robótica Cassini que orbita Saturno se abateu a menos dun único diámetro da Terra sobre a diminuta lúa. Aínda que aparecen cráteres convencionais e outeiros, a imaxe superior tamén amosa terreo que parece estrañamente suave e listado. Os astrónomos planetarios están a inspeccionar estas imaxes polo miúdo de Helena para colleitar pistas sobre a orixe e evolución do iceberg flotante de 30 km. Helena é tamén estraña porque orbita a Saturno xusto por diante da gran lúa Dione, facendo que sexa unha das catro lúas saturnianas coñecidas que ocupan un pozo gravitacional denominado punto de Lagrange estable.

Texto orixinal no APOD.