Créditos da imaxe e copyright: Daniel López (El Cielo de Canarias)Explicación: se ves un ceo coma este; tíralle unha fotografía. Hai tres noites en Islandia, un fotógrafo aventureiro (na imaxe) topouse por casualidade cun ceo cheo de auroras e fixo precisamente iso. De seguido, mediante a unión de cinco fotografías máis pequenas, recreou o ceo completo alumeado pola aurora nesta panorámica de 180 graos tirada desde o glaciar Vatnajökull. As auroras desencadéanse por partículas enerxéticas procedentes do Sol que impactan na envoltura magnética ao redor da Terra. As partículas enerxéticas resultantes tales como electróns e protóns choven a chuzos preto dos polos da Terra e chocan contra o aire. As moléculas de aire impactadas obteñen electróns excitados e, cando os electróns das moléculas de osíxeno voltan ao seu estado fundamental, emiten luz verde. Sábese que as auroras teñen moitas formas e cores.
Texto orixinal no APOD.