Unha mensaxe dende a Terra

Créditos da imaxe: Frank Drake (UCSC) et al.,
Observatorio de Arecibo (Cornell, NAIC)
Explicación: que están tentando decirnos estes terrícolas? A mensaxe que se olla enriba foi transmitido dende a Terra en 1974 cara o cúmulo estelar globular chamado M13. Durante a inauguración do Observatorio de Arecibo (que segue a ser o maior radiotelescopio dun só prato do mundo) foi enviada a secuencia de uns e ceros representando o diagrama que se pode ollar enriba. Esta tentativa de comunicación extraterrestre foi máis que nada ceremonial (pois regularmente os sinais de radio e de televisión saen ao espacio de xeito accidental). Aínda que esta mensaxe fora recibida, M13 está tan lonxe que deberíamos agardar case 50.000 anos para escoitar a resposta. A mensaxe de enriba proporciona uns cantos feitos moi simples acerca da humanidade e o seu saber: de esquerda a dereita están os números do un ao dez, os átomos de hidróxeno e carbono, algunhas moléculas de interés, o ADN, un humano con unha descripción, conceptos básicos sobre o noso Sistema Solar e cuestións elementais sobre o telescopio emisor. Actualmente están en marcha varias procuras de intelixencia extraterrestre, entre elas unha mediante a cal podes empregar o teu propio ordenador doméstico.

Texto orixinal no APOD.

2 reflexións sobre “Unha mensaxe dende a Terra

  1. Debe ser un problema similar aos residuos radioactivos. Creo que é nos EUA onde se está a estudiar como indicar a situación dos refugallos das centrais nucleares para unha civilazición futura, que non comprenda a nosa lingua, a nosa simboloxía e demais. Colocar unha calivera para indicar perigo mortal, por exemplo, é algo que só vale na nosa cultura.

    Creo que a intención é prever unha posible catástrofe e que, no caso de ser así, civilizacións que xurdan en miles de anos non teñan que afrontar o problema de residuos de longa duración que deixamos por aí enterrados. Ademais, é de supoñer que penetrar nun búker de cemento, como soen ser os cemiterios nucleares, “a priori” debe ser atractivo pois se supón que no interior hai algo valioso.

  2. Hola. Dosi, tu comentario me recuerda al documental “Into Eternity” del danés Michael Madsen, buenísimo y para tomar conciencia…

Os comentarios están pechados.