O halo dunha lúa de febreiro


Créditos da imaxe e CopyrightRafael Schmall
Explicación: alumeando a noite o pasado martes, ás veces a Lúa Chea de febreiro denomínase a Lúa de Neve. Pero a Lúa non estaba o bastante chea nesta paisaxe celeste en mosaico gravada o 2 de febreiro ao sur de Budapest, Hungría, e tampouco había neve. Aínda así, finas nubes de cristais de xeo penduraban no frío ceo invernal, creando este magnífico halo lunar. A refracción do luar polos cristais de seis caras producen o halo lixeiramente coloreado co seu característico radio de 22 graos. Xusto por baixo da Lúa está a brillante estrela Aldebarán. Tamén no interior do halo á dereita está co cúmulo estelar das Pléiades. Na parte inferior esquerda, preto do límite do halo atópanse as estrelas de Orión coa brillante Capella, a estrela alfa da constelación Auriga, xusto máis alá do halo preto do alto do cadro.

Texto orixinal no APOD.