Créditos da imaxe: FORS Team, 8.2-meter VLT Antu, ESO Explicación: onde foron as estrelas todas? O que soía ser considerado como un burato no ceo é agora coñecido polos astróno como unha nube molecular escura. Neste caso, a alta concentración de poeira e gas molecular absorbe prácticamente toda a luz visible emitida polas estrelas que hai detrás. A inquedante escuridade dos arredores axuda a facer o interior das nubes moleculares un dos máis illados lugares do universo. Una das máis salientables desas nebulosas escuras de absorción é a nube que hai cara a constelación de Ophiuchus, e coñecida como Barnard 68, mostrada enriba. Que as estrelas non sexan visibles no seu centro indica que Barnard 68 está relativamente preto, es as medidas marcan preto de 500 anos luz de distancia e medio ano luz de envergadura. Non se coñece con exactitude cómo se forman as nubes moleculares como Barnard 68, pero sábese que esas nubes son elas mesmas lugares probables para formación de novas estrelas. De feito, atopouse que Barnard 68 probablemente colapse e forme un novo sistema estelar. É posible botar unha boa ollada a través da nube e luz infravermella.

Texto orixinal no APOD.