Galaxia de estalido estelar IC10

Galaxia de estalido estelar IC 10 
Créditos da imaxe e copyrightDietmar HagerTorsten Grossmann
Explicación: á espreita por tras do po e as estrelas preto do plano da nosa galaxia, a Vía LácteaIC 10 está a tan só 2,3 millóns de anos luz de distancia. Aínda que a súa luz se ve esmorecida polo po interposto, na galaxia anana irregular todavía salientan zonas de formación estelar vigorosa que brillan cun brillo avermellado revelador nesta paisaxe celeste chea de cor. De feito, IC 10, tamén membro do Grupo Local de galaxias, é a galaxia de estalido estelar máis achegada coñecida. Comparada con outras galaxias do Grupo Local, IC 10 ten unha gran poboación de estrelas formadas recentemente que son masivas e intrinsecamente moi brillantes, incluíndo un sistema estelar binario luminoso en raios X que se pensa contén un burato negro. Localizado nos límites na constelación setentrional de Cassiopeia, IC 10 ten uns 5.000 anos luz de diámetro.

Texto orixinal no APOD.