Voar ceibe no espazo

Posted on by

Créditos: STS-41B, NASA

Explicación: a 100 metros do ancoradoiro de carga da lanzadeira espacial Challenger, Bruce McCandless II foi máis lonxe que ninguén con anterioridade. O astronauta McCandless, fotografado enriba, estivo flotando libre no espazo guiado pola Manned Maneuvering Unit (MMU, Unidade de maniobra tripulada). McCandless e o astronauta da NASA e compañeiro Robert Stewart foron os primeiros en experimentar un ”paseo espacial sen amarre” en 1984 durante a misión 41-B da lanzadeira espacial. O MMU funciona mediante foguetes de propulsión de nitróxeno e dende entón foi empregado para despregar e recuperar satélites. Con unha masa de 140 kilos, un MMU é pesado na Terra, pero, como todas as cousas, cerece de peso cando está en órbita. A MMU foi sustituída pola unidade de propulsión SAFER.

Texto orixinal no APOD.

3 reflexións sobre “Voar ceibe no espazo”

  1. Esta foto decoró mi habitación en los años 80s. Era un póster de buen tamaño que venia con la revista ”ALGO 2000 “ una estupenda revista que terminó desapareciendo.
    Foto inspiradora de sueños.
    Saúdos.

    Gústache ou non?: Thumb up 0 Thumb down 0

  2. Feliz ano 2012!

    Se ben en astronomía en particular e en ciencia en xeral o ano que entra anúnciase cheo de temas interesantes, a nivel social e económico creo que nos tocará resistir.

    Non levamos aínda un ano completo con este servizo de tradución do APOD da NASA, que cumpriremos na primavera. Pero a modo de pequena reflexión, algúns datos, modestos iso si, desta web. A día de hoxe:
    - Case 20.000 visitas 8-9 meses de actividade.
    - A media diaria oscila entre 50 e 100 visitas. Hoxe xa levamos 103.
    - Unha media de dous comentarios ao día… que está claro que aínda non chegamos ao nivel do foro Asterisk do APOD orixinal, ou do Observatorio.info (a versión en castelán).
    - Non fallamos nin un só día coa tradución. Aínda que algunha vez saíse un pouco tarde.
    - 3 tradutores activos (e precisamos máis, así que anímate ;-) ).
    - 266 artigos traducidos, algúns son máis antigos que aparecen ligados na foto diaria.

    E, evidentemente, todo gracias a vós. Para este ano, os nosos deberes:
    - Aumentar a difusión do APOD galego.
    - Mellorar a coordinación don FaceBook.
    - Abrir Twitter.
    - Conseguir unha plantilla de WordPress que nos convenza de todo e traducila ao galego (algún informático na sala? ).
    - …

    Saúdos.

    Gústache ou non?: Thumb up 1 Thumb down 0